| Home — Hejmen |
Mi rakontu al vi. Ĉu vi sidas komforte? Bone, mi komencu.
Iam, antaŭ multe da tempo (pli precize 75 milionoj da jaroj), ekzistis aliplaneda galaksia reganto nomata Ksenu’. Ksenu’ regis ĉiujn planedojn en tiu ĉi parto de la galaksio, inkluzive de nia planedo mem — Tero — sed en tiu epoko, oni nomis ĝin «Tijĝijako».
Nu, Ksenu’ havis problemon. Ĉiu el la 76 planedoj, kiujn li regis, havis popolamasan troaĵon. La planedoj havis meze 178 mil milionojn da homoj. Li volis forigi la troaĵon; tial li faris planon.
Ksenu’ uzurpis tutan regadon, kun helpo de renegatoj, por
superforti la bonajn homojn kaj lojalajn oficirojn. Tiam, kun helpo de
psiĥiatroj, li kunvokis milojn da milionoj da homoj al
impostaj inspektoj, kie oni anstataŭe injektis en ilin
alkohol-glikolan miksaĵon por paralizi ilin. Tiam oni metis ilin en
kosmoŝipojn, kiuj ekzakte aspektis aviadiloj «DC8»
(sed ili havis raket-moviadilojn anstataŭ
tirhelicoj).
Ĉi tiuj kosmoŝipoj tiam flugis tiam al la planedo Tero, kie oni metis la paralizitojn en stakojn ĉirkaŭ la bazoj de vulkanoj po cent-miloj da milionoj. Post kiam oni finis la stakadon, oni metis hidrogen-bombojn en la vulkanjon. Ksenu’ tiam eksplodigis ĉiujn hidrogen-bombojn samtempe, kaj mortigis ĉiujn.
La rakonto tamen ne finiĝas. Ĉar ĉiu havas animon (nomitan «tetano» en tiu ĉi rakonto), oni devas trompi la animojn, por ke ili ne revenu. Do, kiam la nukleaj ventoj ĉirlaŭblovis la cent-milojn da milionoj da animoj, oni uzis specialajn elektronikajn kaptilojn, por kapti la animojn en elektronikaj radioj. (La elektronikaj radioj estis gluecaj, kiel muŝkapta glupapero.)
Post kapti ĉiujn ĉi animojn, li ordonis, ke oni paku ilin en kestojn kaj konduku ilin al iuj grandegaj kinejoj. Tie, oni devigis, ke ĉiuj animoj pasigu tagojn spektante specialajn hologramajn kinaĵojn por konfuzi ilin kaj diri, kia vivo estu. En tiu ĉi kinaĵo, oni montris al ili falsajn bildojn, kaj diris, ke tiuj ĉi estis Dio, la Diablo, kaj Kristo. En la rakonto, tiu ĉi proceso nomiĝas «enplantado».
Kiam finiĝis la kinaĵoj kaj foriris la animoj el la kinejoj, tiuj ĉi animoj kungluiĝis, ĉar spektinte la samajn filmojn, ĉiuj kredis, ke ili estis la samaj homoj. Ili kolektiĝis en amasojn da kelkaj miloj. Ĉar tiam ekzistis malmultaj vivantaj korpoj, ili restis en amasoj, kaj loĝis en tiuj korpoj.
Pri Ksenu’, la lojalaj oficiroj finfine superfortis lin kaj forŝlosis lin en monto sur unu el la planedoj. Lin hodiaŭ entenas radi-zono, kiun elektras eterna baterio, kaj Ksenu’ vivas tie eĉ hodiaŭ.
Tiel finiĝas la rakonto. Do hodiaŭ ĉiu estas plena je tiuj ĉi amasoj de animoj nomitaj «korp-tetanoj». Kaj se oni volas esti libera animo, oni devas forpreni ĉiujn ĉi tiujn «korp-tetanojn», ka, por fari tion, elspezi multan monon. Kaj homoj kredas je Dio kaj je Kristo nur ĉar tio estas en la kinaĵo, kiun spektis ilia korp-tetanoj antaŭ 75 mil milionoj da jaroj.
Nu, ĉu vin plaĉis tiu rakonto?
Kio? Ĉu vi taksas tiun rakonton stulta?
Ni samopinias. Tamen tiu ĉi rakonto estas baza kredo de la religio nomata «Scienciko»†. Se homoj scius pri tiu ĉi rakonto, la plimulto el ili neniam interplektiĝus kun tiu kultaĉo. Oni povas legi tiun ĉi rakonton nur post atingi unu el la sekretaj altaj niveloj, tiun nomitan «OT III». Post tio, oni devas komuniki telepatie kun tiuj ĉi korp-tetanoj por foririgi ilin. Oni devas elspezi multon por atingi tiun ĉi nivelon kaj por fari tion ĉi (aŭ oni devus multe labori por la organizaĵo kontraŭ ekstreme malgranda salajro dum multaj jaroj).
Ni prezentas tiun ĉi al vi kiel averto. Se vi enmiksiĝas kun Scieniko, ni volas, ke vi faru tion kun okuloj malfermaj kaj plene konscia je la materialo, kiun ĝi entenas.
La pliĵmulto de la scienikistoj, kiuj laboras en la centroj de
Dianetiko† kaj en la tiel-nomitaj «preĝejoj»
de Scientologio ne
scias tiun ĉi rakonton antau ol atingi la sekretajn «superajn»
nivelojn de Scienciko. Ili pasigas multajn jarojn, antau ol antingi
tiun ĉi nivelon, se ili sukcese faros eĉ tion. Oni devigas ilin
konservi ĝin sekreta, kaj ili ne rajtas rakonti ĝin al novaj
aliĝantoj de Scienciko.
Nun vi scias ilian grandan sekreton. Malgrau ni, ĉiukaze sentu vin libera aliĝi.
† «Dianetics» (Dianetiko) kaj «Scientology» (Scienciko) estas fabrikmarkoj de Religious Technology Centre (Religia Teĥnologi-Centro). Tiu ĉi dokumento neniel konektiĝas kun tiu organizaĵo.
 |